Xəbər24.media nın məlumatına görə, 22 may 2023-cü il tarixində Biləsuvar Rayonunda “Şəhərdaxili hərəkət (mobillik) planın hazırlanması” məqsədi ilə Biləsuvar Rayon İcra Hakimiyyəti və Azərbaycan Texniki Universiteti arasında müqavilə imzalanıb.
İmzalanma mərasimindən öncə, keçirilən geniş tərkibli görüşdə Biləsuvar Rayon İcra Hakimiyyətinin başçısı Faiq Qürbətov və Azərbaycan Texniki Universitetinin Rektoru Vilayət Vəliyev bildiriblər ki, müqavilənin “Heydər Əliyev ilində” bağlanması əhəmiyyətli hadisə olmaqla bərabər onun irsinin davamına bir töhfədir. Məhz Ulu öndər rayonlarımızın, o cümlədən Biləsuvar rayonunun dayanıqlı inkişafına, xüsusilə də yol şəbəkələrinin planlı layihələndirilməsi və icrasına ciddi fikir verir və bu işlərə şəxsən özü rəhbərlik edirdi.
Mərasimdə qeyd olunub ki, hazırda Azərbaycan Respublikası Prezidenti cənab İlham Əliyevin rəhbərliyi ilə ölkəmizdə Dayanıqlı İnkişaf Məqsədlərinin əsas qayəsi, meyar və göstəricilərinin milliləşdirilməsi üçün əhatəli və əhəmiyyətli işlər ardıcıl olaraq həyata keçirilir.
İcrasına başlanılan layihə də məhz cənab Prezidentin rəhbərliyi ilə bu sahədə həyata keçirilən işlərin tərkib hissəsi olaraq 2030-cu ilədək yerli tərəfdaşlarla birlikdə ictimai nəqliyyatın genişləndirilməsi yolu ilə yol təhlükəsizliyinin yaxşılaşdırılmasını ehtiva edir.
Qeyd edək ki, hər iki qurum arasında imzalanan müqavilə Dayanıqlı inkişaf məqsədlərinin ardıcıl həyata keçirilməsi üçün Azərbaycan Respublikası Prezidentinin 2018-ci il 27 dekabr tarixli 852 nömrəli Sərəncamı ilə təsdiq edilmiş “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı”nın həyata keçirilməsi üzrə Tədbirlər Planı”nın 7.4.6.1-ci yarımbəndinin icrasını təmin etmək məqsədilə Azərbaycan Respublikası Nazirlər Kabinetinin 2022-ci il 22 yanvar tarixli 25 nömrəli “Şəhərdaxili hərəkət (mobillik) planın hazırlanması” qərarına uyğun işlərin görülməsini nəzərdə tutur.
“Dövlət-universitet-sənaye” tandeminin ən bariz nümunəsi olan “Şəhərdaxili hərəkət (mobillik) planının hazırlanması” üzrə məsləhət xidmətinin–layihəsi Biləsuvar Rayon İcra Hakimiyyəti və Azərbaycan Texniki Universitetinin birgə həyata keçirəcəyi ilk layihədir. AzTU-nun nəqliyyat istiqaməti üzrə professor-müəllim heyətinin cəlb edilməsi ilə həyata keçirilməsi planlaşdırılan layihə üzrə başlangıc görüş keçirilmiş, ilkin müzakirələr, layihənin gedişatına dair fikir mübadiləsi aparılmışdır.
Görüşdə Biləsuvar Rayon İcra Hakimiyyəti Başçısının müavini Vəlahəddin Yunsurov, AzTU-nun Logistika və Nəqliyyat İnstitutunun direktoru Fuad Daşdəmirov və Universitet-Sənaye Əməkdaşlığı və Ömürboyu Təhsil Mərkəzinin rəhbəri Aynurə İsmayılova da iştirak etmişlər.
Sonda Biləsuvar Rayon İcra Hakimiyyətinin başçısına Azərbaycan Texniki Universitetinin xatirə hədiyyəsi təqdim olunub.
Xəbər24.media
Şahidi olduğunuz hər hansı bir hadisəni, təklif və iradlarınızı saytın e-mail ünvanına göndərə bilərsiniz: xebermedia24@rambler.ru
İmzalanma mərasimindən öncə, keçirilən geniş tərkibli görüşdə Biləsuvar Rayon İcra Hakimiyyətinin başçısı Faiq Qürbətov və Azərbaycan Texniki Universitetinin Rektoru Vilayət Vəliyev bildiriblər ki, müqavilənin “Heydər Əliyev ilində” bağlanması əhəmiyyətli hadisə olmaqla bərabər onun irsinin davamına bir töhfədir. Məhz Ulu öndər rayonlarımızın, o cümlədən Biləsuvar rayonunun dayanıqlı inkişafına, xüsusilə də yol şəbəkələrinin planlı layihələndirilməsi və icrasına ciddi fikir verir və bu işlərə şəxsən özü rəhbərlik edirdi.
Mərasimdə qeyd olunub ki, hazırda Azərbaycan Respublikası Prezidenti cənab İlham Əliyevin rəhbərliyi ilə ölkəmizdə Dayanıqlı İnkişaf Məqsədlərinin əsas qayəsi, meyar və göstəricilərinin milliləşdirilməsi üçün əhatəli və əhəmiyyətli işlər ardıcıl olaraq həyata keçirilir.
İcrasına başlanılan layihə də məhz cənab Prezidentin rəhbərliyi ilə bu sahədə həyata keçirilən işlərin tərkib hissəsi olaraq 2030-cu ilədək yerli tərəfdaşlarla birlikdə ictimai nəqliyyatın genişləndirilməsi yolu ilə yol təhlükəsizliyinin yaxşılaşdırılmasını ehtiva edir.
Qeyd edək ki, hər iki qurum arasında imzalanan müqavilə Dayanıqlı inkişaf məqsədlərinin ardıcıl həyata keçirilməsi üçün Azərbaycan Respublikası Prezidentinin 2018-ci il 27 dekabr tarixli 852 nömrəli Sərəncamı ilə təsdiq edilmiş “Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı”nın həyata keçirilməsi üzrə Tədbirlər Planı”nın 7.4.6.1-ci yarımbəndinin icrasını təmin etmək məqsədilə Azərbaycan Respublikası Nazirlər Kabinetinin 2022-ci il 22 yanvar tarixli 25 nömrəli “Şəhərdaxili hərəkət (mobillik) planın hazırlanması” qərarına uyğun işlərin görülməsini nəzərdə tutur.
“Dövlət-universitet-sənaye” tandeminin ən bariz nümunəsi olan “Şəhərdaxili hərəkət (mobillik) planının hazırlanması” üzrə məsləhət xidmətinin–layihəsi Biləsuvar Rayon İcra Hakimiyyəti və Azərbaycan Texniki Universitetinin birgə həyata keçirəcəyi ilk layihədir. AzTU-nun nəqliyyat istiqaməti üzrə professor-müəllim heyətinin cəlb edilməsi ilə həyata keçirilməsi planlaşdırılan layihə üzrə başlangıc görüş keçirilmiş, ilkin müzakirələr, layihənin gedişatına dair fikir mübadiləsi aparılmışdır.
Görüşdə Biləsuvar Rayon İcra Hakimiyyəti Başçısının müavini Vəlahəddin Yunsurov, AzTU-nun Logistika və Nəqliyyat İnstitutunun direktoru Fuad Daşdəmirov və Universitet-Sənaye Əməkdaşlığı və Ömürboyu Təhsil Mərkəzinin rəhbəri Aynurə İsmayılova da iştirak etmişlər.
Sonda Biləsuvar Rayon İcra Hakimiyyətinin başçısına Azərbaycan Texniki Universitetinin xatirə hədiyyəsi təqdim olunub.
Xəbər24.media
Şahidi olduğunuz hər hansı bir hadisəni, təklif və iradlarınızı saytın e-mail ünvanına göndərə bilərsiniz: xebermedia24@rambler.ru