Ötən altı ayda Nefçalada pərakəndə ticarət dövriyyəsi real ifadədə 0,2 faiz artıb. Bu barədə məlumatı Xəbər24.mediaya Neftçala Rayon Statistika İdarəsinin rəisi Şahin Mənəfov verib. Onun sözlərinə görə, 2024-cü ilin yanvar-iyun aylarında pərakəndə ticarət şəbəkəsində istehlakçılara 141610,5 min manatlıq, o cümlədən 65436,8 min manatlıq ərzaq məhsulları, içkilər və tütün məmulatları, 76173,7 min manatlıq qeyri-ərzaq malları satılıb.

2023-cü ilin yanvar-iyun ayları ilə müqayisədə pərakəndə ticarət dövriyyəsi real ifadədə 0,2 faiz artıb, ərzaq məhsulları, içkilər və tütün məmulatları üzrə 16,7 faiz azalıb, o cümlədən qeyri-ərzaq malları isə 21,4 faiz artıb.

Hesabat dövründə əhalinin bir nəfərinə düşən orta aylıq pərakəndə ticarət 270,6 manat və ya 2023-cü ilin eyni dövrü ilə müqayisədə nominal ifadədə 2,5 manat az olub.