Gelencikdə meşə yanğınlarının sahəsi 118 hektara çatıb.

Bu barədə şəhərin meri Aleksey Boqodistov məlumat verib.

“Rusiya Fövqəladə Hallar Nazirliyinin Krasnodar diyarı üzrə Baş İdarəsinin məlumatına görə, yanğın sahəsi 118 hektar olub”, -deyə o, Telegram-da yazıb.

Qeyd olunur ki, ləğvetmə işlərinə 80-dən çox texnika və 441 xilasedici cəlb olunub.

Bundan əvvəl Rusiya Fövqəladə Hallar Nazirliyinin amfibiya təyyarəsi Gelencikdə yanğını söndürmək üçün uçmuşdu.