Azərbaycan Yazıçılar Birliyinin (AYB) Natəvan klubunda şair, Prezident təqaüdçüsü, Beynəlxalq Rəsul Rza ədəbi mükafatı laureatı Balayar Sadiqin yenicə çapdan çıxmış “Yaddaş ətri” şeirlər və poemalar kitabının təqdimatı olub.
Tədbiri AYB-nin katibi İlqar Fəhmi açaraq, çağdaş poeziyamızın tanınmış nümayəndələrindən olan Balayar Sadiqin yaradıcılıq məziyyətlərindən bəhs edib. Şair-publisist Ağacəfər Həsənli, filologiya elmləri doktoru, professor Elman Quliyev, “Kredo” qəzetinin baş redaktoru Əlirza Xələfli və başqaları müəllifin poetik duyumu, hadisələrə özəl yanaşması, poetikasının janr müxtəlifliyi barədə danışıblar. Qeyd olunub ki, kitabda şairin maraqla oxunan “Gülümsə, Vətən”, “Qızılbaş”, “Sözün Lənkəran ətri”, “İstanbula məktub” və “Zindan görüşləri” poemaları da yer alıb. Natiqlər müəllifə yeni yaradıcılıq uğurları arzulayıblar.
Tədbirin sonunda Balayar Sadiq AYB rəhbərliyinə, xoş sözlərə görə natiqlərə minnətdaqlığını bildirərək, yeni şeirlərini oxuyub və “Yaddaş ətri”nin nüsxələrini imzalayaraq oxuculara təqdim edib.
Tədbiri AYB-nin katibi İlqar Fəhmi açaraq, çağdaş poeziyamızın tanınmış nümayəndələrindən olan Balayar Sadiqin yaradıcılıq məziyyətlərindən bəhs edib. Şair-publisist Ağacəfər Həsənli, filologiya elmləri doktoru, professor Elman Quliyev, “Kredo” qəzetinin baş redaktoru Əlirza Xələfli və başqaları müəllifin poetik duyumu, hadisələrə özəl yanaşması, poetikasının janr müxtəlifliyi barədə danışıblar. Qeyd olunub ki, kitabda şairin maraqla oxunan “Gülümsə, Vətən”, “Qızılbaş”, “Sözün Lənkəran ətri”, “İstanbula məktub” və “Zindan görüşləri” poemaları da yer alıb. Natiqlər müəllifə yeni yaradıcılıq uğurları arzulayıblar.
Tədbirin sonunda Balayar Sadiq AYB rəhbərliyinə, xoş sözlərə görə natiqlərə minnətdaqlığını bildirərək, yeni şeirlərini oxuyub və “Yaddaş ətri”nin nüsxələrini imzalayaraq oxuculara təqdim edib.