Masallıda ölümlə nəticələnən ağır yol-nəqliyyat qəzası baş verib. DİN Mətbuat Xidmətinin Lənkəran regional qrupundan Xəbər24.mediaya verilən məlumata görə, hadisə sentyabrın 7-də saat 02.00 radələrində rayonun Şıxlar kəndi ərazisində qeydə alınıb. Belə ki, Ali Mamedovun idarə etdiyi "VAZ- 21074" markalı minik avtomobili idarəetməni itirərək aşıb.

Nəticədə avtomobildə olan 13 yaşlı sərnişin aldığı xəsarətlərdən xəstəxanada dünyasını dəyişib, sürücü isə müxtəlif bədən xəsarətləri alıb.

Faktla bağlı araşdırma aparılır.