2024-cü il üzrə kənd təsərrüfatının ümumi məhsulunun faktiki qiymətlərlə dəyəri 117247,1 min manat təşkil etmişdir ki, onun da 53590,1 min manatı heyvandarlıq, 63657,0 min manatı isə bitkiçilik məhsullarının payına düşür.

Neftçala Rayon Statistika İdarəsindən Xəbər24.mediaya verilən məlıumata görə, rayon üzrə kənd təsərrüfatı məhsullarının yığımı başa çatmışdır. 2024-cü ildə qarğıdalı da daxil olmaqla 34423,2 hektar sahədən, hər hektardan orta hesabla 22,6 sentner olmaqla, ilkin çəkidə 78206,0 ton və ya 2023-cü illə müqayisədə 21,3 faiz çox dənli və dənli paxlalı bitkilər toplanmışdır.

2024-cü ildə istehsal olunmuş dənli və dənli paxlalı bitkilərin 21571,8 tonunu və yaxud 27,6 faizini buğda təşkil etmişdir. Buğdanın məhsuldarlığı 31,4 sentner olmuşdur. Bundan əlavə, 1483,9 ton və ya 2023-cü ilə nisbətən (15,3 faiz çox) kartof, 1769,3 ton (20,0 faiz çox) tərəvəz, 3040,2 ton (18,4 faiz az) bostan məhsulları, 1932,0 (1,1 faiz çox) ton meyvə və giləmeyvə, 612,0 ton (8,4 faiz az) üzüm, 449,0 ton (74,8 faiz az) qarğıdalı, 26161,6 ton (14,5 faiz çox) pambıq yığılmışdır.