72 yaşlı Məhəmməd Əziz Mərakeşin Rabat şəhərindəndir. Məhəmməd dünyanın ən çox fotosu çəkilən kitab satıcısıdır.

O, gündə vaxtının 6-8 saatını kitab oxumağa sərf edir və yalnız yemək yemək, dua etmək, siqaret çəkmək, müştərilərə kömək etmək üçün dayanır. Qalan vaxtlarda kitab axtarışında rayonları gəzir, sonradan isə onları mağazasında satışa çıxarır.

Məhəmməd Əziz deyir ki, bu vərdiş onun uşaqlıq və yoxsulluq intiqamıdır: "Mən ərəb, fransız, ingilis və ispan dillərində 4000-dən çox kitab oxumuşam. Bu isə 4000-dən çox həyat yaşamaq deməkdir. Hər kəsdə belə şans olmalıdır! Mənə yalnız iki yastıq və günümdən zövq almaq üçün bir kitab lazımdır".