Siyasətçi Aleksey Navalnı (2022-ci ildə terrorçular və ekstremistlər siyahısına daxil edilib) ekstremist icma yaratmaqda, ekstremizmi maliyyələşdirməkdə, ekstremizmə çağırışda, azyaşlıları təhlükəli əməllərə cəlb etməkdə və nasizmi reabilitasiya etməkdə ittiham olunaraq 19 il müddətinə azadlıqdan məhrum edilib.

Xəbər24.media Rusiya KİV-lərinə istinadən bildirir ki, bundan əvvəl müxalifətçinin dələduzluq və məhkəməyə hörmətsizlik ittihamı ilə 9 il həbs cəzası çəkdiyi Vladimir vilayətindəki koloniyada Moskva Şəhər Məhkəməsinin kənar iclasında prokuror Aleksey Navalnının xüsusi rejimli koloniyada 20 il müddətinə azadlıqdan məhrum edilməsini istəyib. “Ekstremist qrup yaratmaqda” ittiham edilən Navalnı 2022-ci il may ayının sonunda danışıb və onu daha 15 il həbs cəzası gözlədiyi bildirib. 19 iyun 2023-cü ildə Vladimir vilayətindəki İK-6-da siyasətçiyə qarşı yeni cinayət işi üzrə Moskva Şəhər Məhkəməsinin ilk baxış iclası keçirilib.

Aleksey Navalnı 2021-ci ilin yanvarında “Yves Rocher” işi üzrə saxlanılıb. Şərti məhkum olunaraq müalicə üçün Almaniyaya gedib. Buna görə o, cəza çəkmə şərtlərini pozduğuna görə Rusiyada axtarışa verilib. Daha sonra Moskva məhkəməsi müxalifətçinin şərti cəzasını real cəza ilə əvəz edib. 2022-ci ilin martında Navalnı dələduzluq və məhkəməyə hörmətsizlik ittihamı ilə 9 il sərt rejimli koloniyaya və 1,2 milyon rubl cəriməyə məhkum edilib.

Bu ilin aprelində Navalnı ona qarşı terror maddəsi ilə yeni iş açıldığını bildirmiş, onu ömürlük həbs cəzasının gözləyə biləcəyini də istisna etməmişdi.