“Milliyet” qəzeti yazır ki, Türkiyə prezidenti Rəcəb Tayyib Ərdoğanın administrasiyası Vladimir Putinin mümkün səfəri ilə əlaqədar ABŞ, Ukrayna və Aİ ölkələri ilə “diplomatik əlaqələri intensivləşdirib”.

Əvvəllər bildirilirdi ki, Rusiya Federasiyası prezidenti Ankaraya avqustun sonu və ya sentyabrın əvvəlində gələ bilər, lakin onun səfərinin yaxın günlərdə baş tuta biləcəyi gözlənilir. Eyni zamanda, Ərdoğanın Rusiyaya gəlişi də istisna edilmir. Hələlik tərəflərdən heç biri Rusiya Federasiyası prezidentinin Türkiyəyə səfəri ilə bağlı məlumatı rəsmən təsdiqləməyib. Prezidentlərin görüşünün məqsədi “taxıl müqaviləsi”ni, o cümlədən geniş tərkibdə bərpa etməkdir.

"Putin Rusiya-Ukrayna münaqişəsi başlayandan bəri ilk dəfə NATO üzvü olan ölkəyə səfər edəcək", - deyə Türkiyə qəzeti yazır.